Description
کچھ کہانیاں ایسی ہوتی ہیں جن میں کوئی بھی کردار ولن نہیں ہوتا،
اور نہ ہی ہیرو،
کیونکہ اگر ہیرو وہ ہوتا ہے جو بالکل پرفیکٹ ہو،جس میں کوئی خامی نہ ہو، تو اس کہانی میں ایسا کوئی نہیں،
اگر ولن وہ ہوتا ہے جو بالکل گناہ گار ہو، جس میں خامیاں ہی خامیاں ہوں، تو اس کہانی میں ایسا بھی کوئی نہیں،
اس کہانی کو آپ تب ہی سمجھ سکتے ہیں اگر آپ اسے اس کے ظاہر کی بجائے باطن سے پہچانیں،
چاہ یوسف کہانی ہے ہر اس شخص کی
جو اپنے اصل سے دور ہے،
جو خود سے دور ہے،
جو خلق کے باعث خالق سے دور تو آ چکا ہے، لیکن دل ابھی بھی اس کا قرب حاصل کرنا چاہتا ہے،
جو کنویں کے گہرے اندھیروں میں، روشنی کا طلب گار ہے،
اس پروردگار سے،
جس نے یوسف علیہ السلام کی تاریک چاہ میں دل جوئی اور دادرسی فرمائی،
جس نے انہیں چاہ کی گہری اور دل دہلا دینے والی تاریکی سے نکالا،
اور انہیں مصر کے بازاروں میں غلام کی حیثیت سے بیچا،
پھر انہیں شاہ مصر بنایا۔